Xocalı Soyqırımı rəssamlarımız tərəfindən Berlində anıldı.



Azərbaycan Rəssamlar İttifaqı, Azərbaycan Dövlət Rəssamlıq Akademiyası və Azərbaycan Dövlət Mədəniyyət və İncəsənət Universitetinin birgə təşkilatçılığı ilə Almaniyanın Berlin şəhərində Xocalı Faciəsinə həsr olunmuş sərgi keçirilmişdir. Sərgi 26 Fevral 2013-cü il tarixində “Berlin-Bakı” qalereyasında təşkil olunmuşdur. Sərgidə azərbaycanlı gənc rəssamların Xocalı Soyqırımına həsr olunan heykəl və rəsm əsərlərindən nümunələr nümayiş edilmişdir.

Artlife Azerbaijan əməkdaşı Samir Səmədov sərgidə öz “Faciə” adlı heykəl əsərilə iştirak etmiş, Artlife Azerbaijan, o cümlədən Azərbaycan Dövlət Rəssamlıq Akademiyasını təmsil etmişdir. Samir vətənə xoş xatirələrlə qayıtmış, öz müsahibəsində gənc rəssamlarımızın Qanlı Xocalı Hadisəsini Berlin ictimaiyyətinə layiqincə çatdıra bildiklərini söyləmişdir.

Qeyd edək ki, sərgidə Almaniyanın müxtəlif sahələrdə fəaliyyət göstərən ictimai xadimləri, diplomatik korpusun nümayəndələri, eləcə də Almaniyada yaşayan azərbaycanlılar iştirak etmişdir.