Təlimlər

Artlife Azerbaijan©-ın sizlərə təqdim etdiyi təlimlər ilə təsviri incəsənətin sirlərinə ən yüksək səviyyədə yiyələnmək imkanı əldə edirsiniz. Bizim təlimlərə qoşulmaqla, siz birbaşa peşəkar rəssamlardan dərs alacaqsınız. Təlimçilərimiz respublikamızda, eləcə də öz əsərlərilə dünyanın bir sıra ölkələrində tanınan və sevilən peşəkarlardır. Azərbaycan Dövlət Rəssamlıq Akademiyasının, Azərbaycan Dövlət Mədəniyyət və İncəsənət Universitetinin, Əzim Əzimzadə adına Bakı Rəssamlıq Texnikumunun qabaqcıl müəllimlərindən, eləcə də Azərbaycan Rəssamlar İttifaqının qabaqcıl üzvlərindən dərs almaq, onların tövsiyələrini dinləmək şansı əldə edəcəksiniz.

Rəsm təlimlərimiz bir neçə istiqamətdə təşkil olunur:

Kurs PesekarAkademik təlimlər – Rəssamlıq, heykəltəraşlıq, dizayn və bu kimi digər sahələr üzrə hazırlaşan abituriyentlərə qabiliyyət imtahanlarını asanlıqla keçmək üçün təklif olunan təlimlər. Xüsusi proqram üzrə qabiliyyət imtahanlarının strukturuna uyğun şəkildə təşkil olunan bu kurslar professionallar tərəfindən tədris olunur. Təlimçilərimiz uzun müddətli peşəkar təcrübələrini Sizinlə paylaşacaqlar. Bu təlimlərin qiyməti aylıq 75 AZN təşkil edir (həftədə 2 dəfə, hər dərs 2 saat olmaqla).

Kurs Heveskar Həvəskar təlimlər – Təsviri incəsənətə marağı olan və müvafiq sahədə ilkin qabiliyyəti olan istedadlı şəxslərin marağını daha da dərinləşdirmək, qabiliyyətini daha da artırmaq istiqamətində təklif olunan təlimlər. Vaxtını səmərəli, təsviri incəsənətdən həzz alaraq keçirmək istəyən, yaxud bu sahəyə xobbi kimi yanaşan şəxslər üçün əvəzsiz bir imkandır. Bu təlimlərin qiyməti aylıq 50 AZN təşkil edir (həftədə 2 dəfə, hər dərs 2 saat olmaqla).

Kurs usaqUşaqlar üçün intellektual rəsm təlimləri – 5 yaşından yuxarı balaca dostlarımız üçün onların mövcud rəsm bacarıqlarının artırılması, dünyagörüşlərinin dərinləşməsi, vizual yaddaşın, mücərrəd və məntiqi təfəkkürün formalaşması istiqamətində təklif etdiyimiz rəsm təlimlərinin aylıq qiyməti 40 AZN təşkil edir (həftədə 2 dəfə, hər dərs 2 saat olmaqla). Biz həm də onların yerli və beynəlxalq sərgilərdə iştirakını təmin edirik. Balaca dostlarımızın əsərləri bir çox beynəlxalq sərgilərdən qalibiyyətlər gətiriblər.

Biz uşaqlara təkcə rəsm çəkməyi deyil, həm də öz fikirlərini rəsmlə ifadə etməyi öyrətməyə çalışırıq. Bu da onların düşünmə qabiliyyətini genişləndirməyə, hər hansı mövzuya düzgün yanaşma tərzini uşaqlıqdan formalaşdırmağa kömək edir.

Fəxrlə bildirək ki, balaca dostlarımız müxtəlif beynəlxalq sərgi və müsabiqələrdən qalibiyyətlər əldə ediblər. Onların Yaponiya, Çin, Finlandiya, Polşa, Çexiya, Belarusiya, Sloveniya və s. ölkələrdə keçirilən rəsm müsabiqələrindən qazandıqları diplom və medallar həm də bizim uğurumuzdur.

Moda Fashion Sketch təlimləri – moda və dəb həvəskarları xanımlar üçün gözəl imkandır. Dərslərdə rəng və forma anlayışı, geyim eskizlərinin çəkkilməsi, geyimlərin uyğunlaşdırılması və s istiqamətdə tədris aparılır. Bu təlimlərin qiyməti aylıq 70 AZN təşkil edir (həftədə 2 dəfə, hər dərs 2 saat olmaqla).

Moda Fashion Sketch üzrə 3 aylıq intensiv proqram əhatə edir:

1. Modanın tarixi
2. Fiqurun qurulma texnikaları
3. Statik və dinamik eskizlərin qurulması
4. Geyim eskizləri
5. Müxtəlif texnikalarla geyimlərin rənglənməsi
6. Material üzərində iş
7. Müxtəlif parçaların rənglənmə texnikası və parça effektləri
8. Təxəyyül ve illuziya
9. Abstrakt geyimlər
10. Geyimlərin modelləşdirilməsi
11. Moodboard və portfolio hazırlanması
Təlimlərimizin iştirakçısı olmaqla, sehrli təsviri incəsənət aləmindən, rənglər dünyasından həzz alacaqsınız, fırçanın, karandaşın gücünü hiss edəcəksiniz.