Rəsm nümunələri

Artlife Azerbaijan© təsviri incəsənətin hər sahə, janr və ya stilinə uyğun (portret, mənzərə və digər) rəsm əsəri sifarişi qəbul edir. Bizə edilən sifarişlər əsasən iki xarakterli olur:

1) Şəxsi ev və ya kiçik ofis üçün, o cümlədən kiməsə hədiyyə etmək üçün ayrı-ayrı şəxslər tərəfindən edilən individual sifarişlər.

2) Müxtəlif plazaların, otellərin, şadlıq evlərinin, böyük ofislərin və s. dekorasiyası üçün edilən toplu sifarişlər.

Günümüzdə hədiyyə seçimi müəyyən mənada problemə çevrilib. Bu nöqteyi nəzərdən rəsm əsərinin ən gözəl, həm də ən unikal bir hədiyyə olduğunu praktik cəhətdən nümayiş etdirməyə çalışırıq. Əsasən portret janrında edilən bu sifarişlər qeyri-adi bir hədiyyə rolunu oynayır. Portretin fonunda müvafiq kompazisiyaların təsvir edilməsi, həmçinin bir-iki cümləlik “ürək sözləri”nin əks etdirilməsi də rəsm əsərinə bir qədər də baxımlılıq bəxş edir. Portretdən əlavə mənzərə və ya hər hansı digər bir rəsm əsəri də ela hədiyyə ola bilər.

Artlife Azerbaijan©-ın təqdim etdiyi xidmətlərdən istifadə etməklə, dünya şöhrətli rəssamların əsərlərinin surətini evinizin və ya ofisinizin divarından asmaq imkanı əldə edə bilərsiniz. Bunun üçün saytımızın qalereyasında təqdim etdiyimiz xoşunuza gələn rəsm əsərini seçib bizə sifariş edə bilərsiniz. O cümlədən, qalereyamızda olmayan istədiyiniz hər hansı digər bir fotoşəkli bizə göndərməklə, həmin şəklin köçürülmüş nümunəsini istənilən ölçüdə sifariş edə bilərsiniz.

Son dövrlərdə interyer dizaynların tərtibatında qrup əsərlərdən çox geniş istifadə edilir. Bu istiqamətdə də zövqünüzə uyğun ən gözəl təkliflərimizlə sizin qarşınızdayıq! Qrup əsərlər istər mövzu, istər texnika, istər rəng çalarları, istərsə də təsvir obyekti baxımından bir-birlərini tamamlayan rəsm əsərləridir. Bir neçə individual rəsm əsəri birlikdə – qrup halında ümumi kompazisiya yaradır ki, bu da ofis və ya evinizin divarına möhtəşəmlik bəxş edir.