Praktik Təcrübə Proqramı



Artlife ailəsinin dəyərlərinə sadiq aktiv gənclər axtarışdadır. Artlife aktiv, pozitiv, kreativ gənclər üçün praktik təcrübə proqramını elan edir. Təcrübə proqramı 2 istiqamətli nəzərdə tutulub:

1) Tədris üzrə
2) Təşkilatı işlər üzrə (administrativ)

Artlife Təcrübə Proqramı sizə nələr qazandıracaq?
Praktiki iş təcrübəsi, özgüvəni artırmaq, eyni zamanda təcrübəli müəllimlərdən öyrənmək imkanı, fərdi və komandada işləmək bacarığını artırmaq, sosiallıq və təşkilatçılıq bacarığınızın genişləndirilməsi, kreativ ideaları birlikdə həyata keçirmək, şəxsi inkişafınıza tövhə vermək imkanı, geniş dost şəbəkəsi və tanışlıqlar, ən əsası Artlife peşəkar tədris komandasının üzvü olub cəmiyyətə faydalı gənc olmaq.

Təcrübə proqramına seçim 2 mərhələdən ibarət olacaqdır:

a) Online seçim mərhələsi
b) Müsahibə mərhələsi

Tədris istiqaməti üzrə müraciət edən namizədlərdən Təsviri İncəsənət sahəsi (rəngkarlıq,qrafika və s) üzrə təhsil almış və bu sahə istiqamətində karyera qurmaq istəyən namizədlərə üstünlük veriləcək.

Əlavə qeydlər:
– Proqramı uğurla tamamlayan iştirakçılara auditoriyanın (müəllimlər və iştirakçılar) rəyi əsasında göy və ya qırmızı Artlife Diplomu təqdim olunacaq.
– Təcrübə müddəti 3 ay ərzində davam edəcəkdir.
– Təcrübə proqramı tamamilə ödənişsizdir və təcrübəçilər könüllü əsasla fəaliyyət göstərəcəklər.
– Müraciət üçün son tarix 22 mart 2018-ci il

Müraciət üçün aşağıdakı formu doldurmaq xahiş olunur. Əlavə məlumat üçün 0552462560 əlaqə saxlaya bilərsiniz.