"Moda Fashion Sketch" online-sərgi müsabiqəsi
Bu müsabiqə gənc istedadlara dəstək olmaq məqsədilə Artlife Club tərəfindən təşkil olunmuşdur. Müsabiqədə sərgilənən fotolar müəlliflərinin göndərdiyi şəkildə olduğu kimi (Artlife tərəfdən heç bir effekt/düzəliş verilmədən) təqdim edilir. Müsabiqədə qaliblər səsvermə üsulu ilə ekspertlərimizin rəyi nəzərə alınmaqla müəyyən ediləcəkdir və ilk 3-lük sertifikat ilə təmin olunacaq, eyni zamanda aşağıdakı imkanlardan yararlanmaq hüququ əldə edəcək: I yer – “Moda Fashion Sketch” kursu üzrə 1 aylıq ödənişsiz iştirak hüququ II yer – “Moda Fashion Sketch” kursu üzrə 50% endirim hüququ III yer – “Moda Fashion Sketch” kursu üzrə 25% endirim hüququ
Artlife Club - sərbəst mövzulu sərgi
Artlife Club gənc istedadlara dəstək məqsədilə sərbəst mövzuda sərgi təşkil etmişdir. Sərgi Caspian Business Centerdə Artlife Club təşkilatçılığı İB Club dəstəyilə baş tutmuşdur. 30 yanvar tarixindən start verilən sərgi 12 fevral tarixinədək davam edəcəkdir. Sərgidə müxtəlif mövzularda 26 əsər iştirak edir. Sərgilənən 5 əsər üçün müxtəlif nominasiyalar üzrə sertifikatlar nəzərdə tutulmuşdur. 4 nominasiya Artlife münsiflər heyəti tərəfindən təyin ediləcək. 5ci nominasiya - "Ən çox bəyənilən əsər" nominasiyası isə online sərgi səsvermə nəticələrinə əsaslanacaqdır. Online-sərgini sizə təqdim edirik.
Christoph Niemann dünyanı fərqli gözlə görür
Christoph Niemann dünyaca tanınmış illustrator rəssamdır. Həyata pozitiv yanaşaraq, hər şeydə bir gözəllik, bir məna axtarıb tapmağı sevən insanlardandır. Sizi də onun əsərlərindən zövq almağa dəvət edirik.
Fırçadan əl çəkib, kətana əl çəkən rəssam - Iris Scott
Iris Scott öz əsərlərini fırçadan istifadə etmədən birbaşa barmaqları ilə çəkir. Kətan üzərində sanki piano çalan bu xanım rəssamlıq üzrə ilk dərslərini Florensiyada almış, sonra Vaşinqton Dövlət Universitetini bitirmişdir. 2009-cu ildə ABŞ-dan Tayvana yaşamağa köçmüşdür. İsti günlərdən birində təzə fırça almaq üçün evdən çıxmağa tənbəllik edən Scott qərara alır ki, əlcək geyinib əsərini fırça əvəzi barmağı ilə çəksin. Beləliklə, təsadüf nəticəsində o özü üçün yeni uğurlu bir üsul kəşf etmiş oldu və o vaxtdan bəri fırçadan istifadə etmədən əsərlərini barmaq izləri ilə yaradır. Sizi də İris Scott'un bu texnikasından və əsərlərindən zövq almağa dəvət edirik.
Heykəllər - "Ana və Uşaq"
Ana və Uşaq obrazları həmişə məşhur olub və hər zaman insanda incə hisslər yaradıb. Bu mövzuya aid müxtəlif məşhur heykəl nümunələrini sizə təqdim edirik.
Oleg Shuplyak - illuziyalı portretlər
Ukraniyalı rəssam Oleg Shuplyak öz illuziya dolu portret əsərləri ilə məşhurdur. 1967-ci ildə Ukraniyada anadan olmuşdur. Təhsilini memarlıq üzrə alsa da, hər zaman rəssamlığa daha həvəsli olmuşdur. Bir çox janrlarda və növlərdə rəsm əsərləri yaratsa da, illuziyalı portret işlərinə görə daha məşhurlaşmışdır. Əsərlərindəki obyekt və xarakterlər elə bir ahəng altında kompazisiya təşkil edir ki, ümumilikdə möhtəşəm illuziyalı əsər alınır.
Rob Gonsalves'in sehr dolu əsərləri
Rob Gonsalves 1959-cu ildə Torontoda (Kanada) anadan olmuşdur. Hələ lap uşaqlıq illərindən öz təxəyyülündən əsərlər çəkməyi xoşlayırdı. Əsasən 1990-cı ildən etibarən isə özünü tamamilə rəssamlığa həsr etmiş, özünəməxsus sehrli rəsm əsərləri yaratmağa başlamışdır. Onu əsərlərində ayrı-ayrılıqda real, ümumilikdə isə illuziya dolu təsvirlər öz əksini tapır. İnanırıq ki, Rob Gonsalves'in təqdim etdiyimiz əsərlərindən ibarət sərgisi hər birinizin ürəyinizcə olacaq.