Dünya İqtisadi Forumu



3–7 sentyabr tarixlərində Polşanın Milli Agentliyinin, Təhsil Sistemi İnkişaf Fondunun və “Gənclər Fəaliyyətdə” beynəlxalq proqramının birgə təşkilatçılığı ilə Polşanın Novı-Sonç şəhərində “Gənc Liderlərin 7-ci İqtisadi Forumu” keçirilmişdir. 4 gün davam edən forumda Avropa, Qafqaz və digər ölkələrin özəl və dövlət müəssisələrindən gənclər müxtəlif mövzularda keçirilən panellərdə, seminarlarda iştirak edərək fikir mübadiləsi aparıblar.
Gənc biznes müəssisəsi kimi Azərbaycanı forumda Artlife Azerbaijan təmsil etmişdir. Artlife Azerbaijan forumda Tural Ağayev və Rəhman Şəvahətli ilə təmsil olunmuşdur. Artlife Azerbaijan nümayəndələri panellərdə müxtəlif biznes, o cümlədən dövlət adamları ilə görüşüb müzakirələr aparmış, faydalı əməkdaşlıq əlaqələri yaratmışlar. Onlar həmçinin Krinitsa şəhərində keçirilən dünya iqtisadi forumuna da qatılıblar. Forumda Macarıstan baş nazirinin müavini, administrasiya və ədalət naziri Tibor Navraksis, Milli Məclisinin deputatı Asim Mollazadə, Portuqaliya, Bolqariya, Makedoniya, Moldova, Ukraynanın deputatları və dövlət rəsmiləri, Avropa parlamentinin nümayəndələri və bir çox qurumları təmsil edən ekspertlərlə görüşlər olub. Azərbaycanda biznes mühiti, biznes fəaliyyati və imkanları, o cümlədən incəsənət sahəsinin tarixi və inkişafı barədə müxtəlif müzakirələr aparılmışdır.