Belarusiyada keçirilən beynəlxalq rəsm müsabiqəsindən təşəkkürnamələr almışıq.



Bu il Belarusiyanın Minsk şəhərində “Mənim ana yurdum” mövzusunda rəngkarlıq və qrafika üzrə keçirilən 10-cu beynəlxalq rəsm müsabiqəsində biz də iştirak etdik. Müsabiqənin məqsədi uşaqların gözü ilə hər kəsin diqqətini ümumilikdə dünyaya, xüsusən də öz ana yurdlarına yönəltmək, orada işləyən və yaşayan insanların təhlükəsizlik və yaşam şəratini rəsm əsərlərində qabartmaqdan ibarətdir.

Nəzərinizə çatdıraq ki, müsabiqənin 15 nəfərlik münsiflər heyəti peşəsinə görə professional rəssam, sənətşünas və müəllim olan Belarusiya, Rusiya, Maldova və Ukraniya təmsilçilərindən ibarət olmuşdur. Onlar 34 müxtəlif ölkədən aldıqları 13,257 ədəd rəsm əsərlərini nəzərdən keçirmişlər.

Sevindirici xəbərdir ki, 5-18 yaş aralığında iştirakçılar arasında təşkil olunan müsabiqədə balaca dostlarımız Əzizli Ləman və Marifova Aişə təşəkkürnamələrlə təltif olunmuşlar.

Onların təşəkkürnamələrini fəxrlə sizinlə bölüşürük.

Artlife Azerbaijan rəsm kursları ilə bağlı daha geniş məlumatı bu linkdən əldə edə bilərsiniz.