Artlife Klub – Diplom proqramı

Şad xəbərimiz var!

Artlife Klub-un təşkil etdiyi seminar, treyninq, master klaslarda iştirak etməklə, nəinki yeni biliklər, yeni dostlar əldə edəcəksiniz, həmçinin həmin seminar üzrə əvvəlcədən təyin edilmiş “bal”lar qazanacaqsınız. Beləliklə daha çox iştirak, daha çox ballara sahib olmaq deməkdir.

Ümumilikdə 50 bal yığdığınızda, sizə iştirak etdiyiniz tədbirlər üzrə orta çəkili bal göstəriciləri qeyd olunan diplom təqdim ediləcək ki, bu da öz növbəsində sizin təsviri incəsənət sahəsində əsas təhsildən əlavə rekvizitinizə çevriləcək. Diplomdan əlavə ən əsası isə sizə unikal koda malik Artlife Klub rəsmi üzvlük kartı təqdim olunacaq ki, bununla da siz Artlife Klub-un təşkil edəcəyi növbəti akademik və ya həvəskar seminarlarda endirimli və ya pulsuz iştirak etmək hüququ əldə edib, növbəti ballarınızı (50-dən yuxarı) yığmağa davam edəcəksiniz. Beləliklə, növbəti ballarınızla birlikdə göstəriciniz 100 bal təşkil etdiyində diplomunuz və diplomunuzda rekvizit göstəriciləriniz yenilənəcək.

Bəs tədbirlərə nələr daxildir?

  • Müxtəlif mövzularda akademik master-klaslar (“Perspektiva nədir?”, “Portretin düzgün qurulması”, “Kompazisiya quruluşu”, “Fiqurların planda həlli” və s.)
  • Təsviri incəsənətin müxtəlif sahələrində peşəkarlar ilə görüşlər
  • Təsviri incəsənət sahəsində nəzəri seminarlar
  • Təsviri incəsənətlə bağlı intellektual yarışlarda iştirak
  • Ebru günləri
  • Fotoqrafiya günləri
  • İstirahət günləri (muzeylərə, rəsm sərgilərinə səyahət, əyləncə dolu gəzintilər, kino günləri və s.)
  • Sərgi və rəsm müsabiqələrində iştirak hüququ və s.

 

Artlife Klub tədbirlərində necə iştirak edə bilərəm?

Artlife Klub daxili təşkil olunan bütün tədbirlərdə iştirak etmək həmin tədbir üzrə əvvəlcədən qeydiyyatdan keçmiş hər kəsin hüququdur. Bəs necə qeydiyyatdan keçək? Bunun üçün saytımızın xəbərlər bölməsini, facebook və ya instaqram səhifəmizi  izləməniz xahiş olunur, tədbirlər əvvəlcədən elan olunur və qeydiyyat şərtləri elanda öz əksini tapır.