Artlife Azerbaijan Avropada



Cari ilin avqust ayında Artlife Azerbaijan rəsmiləri Avropanın bir sıra ölkələrində, o cümlədən Polşa, Almaniya, Belçika, İtaliyanın müxtəlif şəhərlərində işguzar səfərdə olmuşlar. Səfərin əsas məqsədi Azərbaycan təsviri incəsənətinin gücünü və tarixini nümayiş etdirmək, həmçinin təsviri incəsənət sahəsində geniş təcrübə və praktikaya malik rəssam və heykəltəraşlarla görüşüb, onların yaradıcılığı ilə yaxından tanış olub, əməkdaşlıq əlaqələrinin yaradılmasından ibarət idi. Bundan əlavə, müvafiq sahədə son texnoloji yeniliklərlə maraqlanıb, onların tətbiqini Azərbaycanda sınaqdan keçirmək də əsas missiyalardan biri idi. Beləliklə, bütün missiyaların öhdəsindən uğurla gəlməyi bacaran Artlife Azerbaijan Avropada uğurla təmsil olundu.